منتدى قانوني يشمل كل ما يدور على الساحة القانونية وما يخص المحامين من شئون قانونية وسياسية فكرية تتعلق بدراسة القانون والقضاء.

المكتب القومي للمحاماة والمعاملات القانونية . أ / موسى محمد سليم. أ / عبدالله غريب محمد. أ / علاء الحداد. أ / السيد سالم عبدالله.
المكتب الحديث للمحاماة.الاستاذ محمدسالم الصادق ت/0125721914 ،الاستاذ محمد صفاء ابو النور ت/0102520547
مكتب العدل - ابو خليفة القنطرة غرب. محمد لبيب امام المحامى ت/0109027947عبد الرؤف عبد المجيد حسان المحامى ت/0163974432
مكتب مصطفى محمد مرسى المحامي بالاستئناف العالى القاهرة حدائق القبة : ت: 0115756012: 0109745935 فاكس/0224547198

    ماشى يا كوسة

    شاطر

    محمد سالم الصادق المحامي
    محامي

    عدد المساهمات : 36
    تاريخ التسجيل : 01/11/2010

    ماشى يا كوسة

    مُساهمة من طرف محمد سالم الصادق المحامي في الإثنين ديسمبر 06, 2010 11:03 pm



    للكوسه في بلادي شئون



    بتخلي المسنود فرعون

    يتفرعن فين مهما يكون

    وتخلي الجاهل أستاذ

    والأعرج لاعب جمباز

    وتخلي الأحول هداف

    والكوره الآوت ف الجون



    للكوسه ف بلادي شئون

    لو تعرف واحد ف الشرطه

    راح تخرج من أجدع ورطه

    والراجل اللي انت ظلمته

    تلاقيه متلقح مسجون

    أو تعرف شخصيه كبيره

    شغاله ف البنك مديره

    راح تاخد من غير ضمانات

    كام قرض بمليون مليون

    وهروبك طبعا مضمون

    ويا عيني لو تعرف نايب

    ف المجلس مش نايب خايب

    راح تبني أبراج وهميه

    أوراقها مظبوطه أكيد

    وفلوس الناس المهريه

    حتجيلك م الجيب للإيد

    بعديها تروح المستشفى

    وتقيد نفسك مجنون

    أحكامك تسقط ف ساعتها

    بعديها ترجع موزون

    ويا عيني لو تعرف شيخ

    فجنابك طاهر علطول

    وصيامك طبعا مقبول

    وإذا فرضا حبيت تتجوز

    تتجوز من غير مأذون

    وإذا ساكن ف عماره جديده

    وحبيبك راجل مسئول

    فسيادتك من غير ما تقول

    يركب لك فورا تليفون

    ولو انت عندك عربيه

    ونمرها سوده بنسرين

    حتعدي أجدعها كمين

    وحتكسر أوضحها إشاره

    ماهو نمرك سوده جباره

    ولا تعرف أيتها قانون



    ولو انت بتعرف فرّان

    أو واحد بياع جرنان

    راح تاخد طلبك وحتمشي

    من غير ولا دوشه ولا دور

    والناس الغلبانه حتاخد

    طلباتها بعدك وتغور

    ماهو كله غيرك بيهون

    ولو انت زميل الحلاق

    راح تحلق اولها زبون

    وإذا كنت بتعرف دكتور

    حتعيش متطمن مسرور

    وحتسلك ف لجان الشفوي

    ومجال تعيينك موفور

    وحتطلع فالتليفزيون

    بالبدله وفيها الببيون

    تتكلم وبكل بساطه

    عن شرف المهنه المدفون

    لكن لو شاعر غلبان

    قلت اللي ف نفسك علطول

    حيقولو مين قال لك قول

    ويهاجمك مليون إنسان


      الوقت/التاريخ الآن هو السبت ديسمبر 16, 2017 1:24 am